فايك نيوز. مسؤول ل”كود”: عودة حمد الله للمنتخب كذوب وحتى حد ما دار ليه شي حاجة واستمرارو فالمنتخب ما فصالحش الفرقة راه حرض لعابة يمشيو فحالهم

دارت هدرة كثيرة البارح واليوم على وساطة دارها رئيس الجامعة الملكية لكرة القدم فوزي لقجع لعودة المهاجم حمد الله لمعسكر الاسود. وساطة بين المدرب ايرفي رونار واللاعب السابق لاولمبيك اسفي.
مصدر اكد ل”كود” ان هاد لخبار غير فايك نيوز. المصدر اصاف ل”كود” ان هاد اللعاب ما دار ليه حتى شي حد شي حاجة تقلقو باش يمشي اصلا. كما تحدث مصدر اخر ل”كود” عن مشاكل بدا كيديرها للمنتخب “ماشي غير البيلانتي اللي نقز عليه ولا حتى التسعود اللي بغى يلبسها٬ راه مشى عند باعدي اللي كان رقم 23 فاللائحة وقال باقي كدير. يعني دخل فشبوقات كثيرة”.
المصدر اكد ل”كود” ان اللعاب ما يمكنش ابدا يرجع للاسود اللي غاديين لكاس افريقيا للامم بمصر.
باين باللي اللعاب شافوه فمراكش باش ياخد حوايجو وخدات هاد التأويل