مشى فيها لشكر. الرميد: ما كاينش تعديل حكومي وهاد الفكرة كانت هادي عام

مصطفى الرميد وزير الدولة المكلف بحقوق الانسان والقيادي في حزب العدالة والتنمية نفى البارح ف”دوزيم” فبرنامج “حديث مع الصحافة” اللي كيقدمو ويعدو عبد الله ترابي٬ ان يكون هناك تعديل حكومي اللي كيهدرو عليه هاد ليام.
الرميد كشف ان فكرة التعديل الحكومي كانت عند راس الحكومة هادي شي عام. الفكرة كانت على قضية كتاب الدولة. هاد الفكرة ما بقاتش ودابا يضيف الرميد فالبرنامج نفسو٬ المهم عند رئيس الحكومة راه ما كايناش فكرة التعديل الحكومي دابا غير قائمة.
المتضرر الاول من هاد التصريح هو ادريس لشكر الكاتب الاول لحزب الاتحاد الاشتراكي اللي كان معول على السنتين الاخيرتين من عمر الحكومة باش يدخل جنب للحكومة كيف دار فعهد حكومة عباس الفاسي.
لشكر داير كلشي باش يدخل لهاد الحكومة. السيد غادي يتصطى مسكين.