واش السفير المغربي ناعس ولا غير مدوز فاكنس.. أعلام البوليساريو كترفرف فأستراليا

كما أشارت “كود”، فمقالات سابقة، بأن الدبلوماسية المغربية فدولة أستراليا ضعيفة بزاف، والسفير لي عندنا تماك مافيدوش، وكيأثر على عمل الخارجية حيت ماصالح لوالو وكيدير غير الأنشطة الغبية ديال شي واحد مدوز فاكنس.
هادشي لي كنا حظرنا منو فوقت سابق، وقع هاد الايام حيت ممثلين البوليساريو غزاو أستراليا ومدينة “سيدني” القلب النابض لأستراليا، بأنشطة كتعرف بدولة البوليساريو، وماشي غير هادشي رفعو الشراوط ديالهم فوق مقر سيدني (الصورة).
هاد الاختراق لي خدامة فيه البوليساريو وممثلها تماك كمال فاضل، كيأثر بزاف على المجهودات لي كتبدلها الدولة المغربية، وكيضرب فمجهوداتها خصوصا مع دولة كبيرة مثل أستراليا لي ماكتعتارفش بالأنشطة الغبية لي فيها غير الماكلة والسهرات ولي مسؤول عليها سفير المغرب كربم مدرك.