بالتصاور. ها لوطيل اللي قريب يفتح رونالدو فمراكش

فندق رونالدو فمراكش قريب يتفتح، ودابا توصلنا بالصور.
مجموعة بيستانا الفندقية كانت علنات، عبر صفحة «m avenue marrakech» فالفيسبوك، عن قرب افتتاح فندق نجم الريال السابق واليوفينتوس حاليا البرتغالي كريستيانو رونالدو في عاصمة النخيل.
وكيتكون الفندق من 164 غرفة، وغادي يكون الأول اللي غايفتتح فالمدينة الحمرء.
البروجي تقام باستثمار ديال 40 مليون اورو، وحسب شركة Downtown Hotel Corporation اللي مكلفة بالبروجي، الافتتاح غادي يكون في نصف شهر مارس الجاي. ولكن مازال معارفينش واش رونالدو غايكون حاضر ولا لا.