جابها ليه فمو. أسهم ظاهرة “إكش وان إكن وان” بداو كيطيحو وها السبب

را كَلناها ليكم في “كود” لي كيطلع بالبوز الخاوي كينزل بيه فيه، وكَعما كيطول بزاف، وهادشي لي وقع لمصطفى المعروف ب”إيكشوان ايكنوان”.
السيد غير البارح كان علام فوق عودو شاد اللجلام ودابة نزل نزلة رجل واحد.
مراتو آية لي كَالت أنها يتيمة طلعات بواليديها، وتبين أنها خرجات من دارهم حيت كانت كتقرقب وهي فين تلاقات مع مصطفى المشهور في كارتيي كوبا ب”الشباكية”.
طبعا كل واحد عندو ماضيه وكل واحد حر فحياتو يشرق ولا يغرب، ولكن هاد “ايكشوان ايكنوان” ومراتو جابها ليهم فمهم.
لي بغا البوز والانترنت يكون كَاد عليه وسيدي ومولاي حيت ملي كتطيح البكَرة كيكثرو الجناوا، ودابا هو ومراتو طاحو، وكيفما تعاطفو معاهم الناس في اللول مغاديش يرحموهم حيت حصلو كي كذبو.
إيوا دابا فكها يامن وحلتيها.