عاجل. البراءة نهائيا لزينب بنموسى من تهمة الارهاب او الاشادة به “الحكم نصفني وكاع اللي باغييني نتشد كنقول ليهم شكرا

قضت محكمة الاستئناف بسلا قبل قليل ببراءة زينب بنموسى من تهمة التحريض على الارهاب او الاشاذة به. هاد الحكم ايد الحكم الابتدائي.
بنموسى كانت كتبات تدوينة كتعصر بيها كيف كدير ديما وقالت باللي بغات شي بوطة تفركع بيها الاسلاميين وناضو اتاهموها بالتحريض على الارهاب والاشاذة به.
القضاء طلع بعقلو وقرر تأييد الحكم الابتدائي
وقالت بنموسى في تصريح ل”كود” ان هاد الحكم انصفها “بين باللي أنا ماشي ارهابية وعمري مانكون، وهادوك لي كانو باغييني نتشد كانقوليهم شكرا وحظ سعيد في المرة القادمة”
وشكرت بنموسى “الاستاذ حاجي والمو وكاع المحاميين وخصوصا الادريسي لي دافع علي وخا لا نشبه بعضنا في التوجه”