نجاة الرجوي كتجاوب على الانتقادات ديال عرسها: أنا فرحانة براجلي وعندي الثقة في النفس

لالة العروسة نجاة الرجوي صابحة كتجاوب على الانتقادات على عرسها الثاني مع النبوري.
وقالت: “باش تغني في عرسك وديري الدورة لراسك وتغني خاصك تكوني عروسة كتبغي راجلها وفرحانة به، وحمقة، وتكون سميتك نجاة الرجوي.. وتكون عندك بززززززاف ديال الثقة في النفس وتكوني انتي بلا زواق وبلا بروتوكول”.
وأضافت في تدوينة حطاتها على فيديو كتبان فيه وهي كتغني على راسها “هي فرحة وربي كتبها لينا ويارب تديمها علينا وتكمل علينا بالف خير وتحفظ لينا وليداتنا غالي وكنيزو، وترزقنا الذرية الصالحة”.
وخلقات الرجوي البارح الجدل ملي بانت طالعة في العمارية وكتغني على راسها بكل ثقة في النفس. وحضر العرس بزاف ديال الفنانين بحال الصويري ورياض العمر، وسعيدة شرف وزيد وزيد.