الثلج قطع بزاف ديال الطرقات وعزل عدد من المناطق فجبال الأطلس

omarelmouzaine@gmail.com
خلفت التساقطات الكثيفة ديال الثلوج بعدد من المناطق، منذ أمس الثلاثاء، في قطع عدد المحاور الطرقية، نتيجة التراكمات المعتبرة للثلوج على الطرق بحال الطريق الوطنية رقم 13 لي رابطة بين ميدلت وأزرو لي كتواصل فرق من وزارة التجهيز والنقل لحدود الساعة إزاحة هاد الثلوج في وجه صحاب الطونوبيلات.
وماشي غير هادشي. فحسب مصادر “كود”، فإن الطريق الإقليمية رقم “5427” لي رابطة بين كرسيف وبويبلان حتى هي مزالة مقطوعة بسبب الثلوج، على غرار الطريقة الجهوية رقم “707” الرابطة بين إفران وبولمان. المهم السياقة دبا ف خطر والوزارة ديال التجهيز براسها حذرات الناس يسافرو ليلاً.
كما عزلت الثلوج عدد من المناطق ف الجبال ديال الأطلس الكبير والصغير والبرد ضارب فيها بقوة والساكنة كتقلب على الحطب للتدفئة، رغم أن فهاد الوقت كيكون غالي بزايد.