ضربة كبيرة ل”الديستي” قبل راس العام.. ها شحال من قرقوبية كانت غادي تخرج على وليدات فاس هاد راس العام (+صور)

ضربة كبيرة دارتها “لابيجي” بتنسيق مع “الديستي” ديال فاس. فقد تمكنت المصلحة الولائية للشرطة القضائية بمدينة فاس، صباح اليوم السبت، من توقيف شي بنت العمر ديالها 33 عام. هاد الموقوفة متورطة فقضية عندها علاقة بالحيازة والاتجار في المخدرات والمؤثرات العقلية.
وحسب مصادر “كود”، فإن هاد البنت شدوها البوليس على مستوى نقطة المراقبة المرورية بمدينة فاس أثناء وصولها على متن كار ديال نقل المسافرين كان جاي من إحدى مدن الشمال، مشيرة إلى أن الإجراءات ديال التفتيش سلات بالعثور بحوزة هاد الموقوفة على 1780 قرص مهلوس من نوع الإكستازي،
كما أسفرت الإجراءات ديال البحث من توقيف الأخ ديال هاد المتهمة لي ف العمر ديالو 28 عام. هاد الأخير يشتبه في كونه مالك الأقراص المهلوسة المحجوزة، حيث تبين أنه روشرشي على الصعيد الوطني من أجل ترويج المخذرات، فيما أسفر إجراء التفتيش المجرى بمسكنه عن حجز قنينة مسيلة للدموع، علاوة على 85 قنينة خمور كان يتاجر فيها بدون رخصة.