مشرمل جبد ساطور على الناس وزاد للبوليس فحي النهضة وغير القرطاس اللي انفع معاه وها فين جاتو الضربة وطاح

بوليسي كيخدم فالوحدات المتنقلية ديال شرطة النجدة بولاية أمن الرباط، أقدم، منتصف ليلة السبت – الأحد، على إطلاق رصاصة على شي مشرمل كان في حالة تخدير متقدمة واندفاع كبير، وحاول باش يعرض الحياة جيال الناس والبوليس لاعتداء خطير بواسطة ساطور كبير.
وكانت دورية ديال البوليس قد تدخلت باش تشد هاد المشرمل فحي النهضة، واللي عندو سوابق فاعتداءات جسدية، غير أنه أبدى مقاومة عنيفة مما اضطر موظف شرطة لاستخدام الفردي ديالو وإصابة المعني بالأمر برصاصة واحدة على مستوى كاحله، الأمر الذي مكن من تحييد المخاطر والتهديدات الصادرة عنه.
هاد المشرمل مشا لصبيطار ديال ابن سينا فالرباط، بينما تم حجز الساطور المستعمل في محاولة الاعتداء.