أكادير:بوليسي جبد السلاح هاد صباح على مشرمل

بوليسي فعاصمة سوس أكادير أقدم هاد الصباح ديال الجمعة على إشهار الفردي ديالو فواحد التدخل أمني لتوقيف واحد المشرمل عندو سوابق قضائية كثيرة، بعدما عرض عناصر البوليس وعدد من الناس للتهديد باستعمال جنوية.
وكان عنصرين من البوليس كيخدمو فالدائرة الرابعة قد تدخلا باش يشدو هاد المشرمل اللي كان بصدد تهديد طلاب شي مؤسسة ديال التعليم العالي باستعمال سلاح أبيض، قبل أن يواجه البوليس بمقاومة شرسة، وهاشي علاش خلا داك المقدم شرطة يشهر سلاحو فوظه المتهم.