المسير الرجاوي العاشق للحياة البوصيري مات

توفي صباح اليوم الجمعة احد اشهر مسيري الرجاء البيضاوي يتعلق الامر برشيد البوصيري. البوصيري مسير ديال زمان. كيعشق فرقتو بزاف. كيعرف الشادة والفادة عليها. كيحب الحياة. بقى وفي لهاد الحياة حتى اخر نهار فحياتو.
البوصيري دابا مستشار رئيس الرجاء البيضاوي. ديما عندو كلمتو. خدمتو فالحقيقة اكثر بكثير من مجرد مستشار. ففترة من فترات التسيير فالرجاء كان الرئيس ديال بصاح للنادي. يوجد ويقاد ويدير كلشي ويمشي لخلوتو فالمحمدية على البحر.
عاش معاك كاع لحظات المجد فالسنوات الاخيرة. كان حاضر فكنشاسا باش ربحات الرجا اخر لقب ليها وهو الكأس الافريقية. اخر حاجة ما غاديش يحضر ليها واخا وجد كلشي هو الاحتفال بهاد الكاس اللي غادي يتنظم فدرب السلطان. نسق ووجد وهيأ وكيف ديما مشى ما هموش الضواو بزاف٬ غير هاد المرة ما غاديش يرجع. غادي يبقى ذكرى عند الخضرا