آش هاد الغطرسة.. إدارة مطار العيون حيدات لكراسى ديال الإنتظار والمسافرين فيهم العجزة والمرضى !

استنكار واستياء عارمين عبروا عليه مجموعة من المسافرين أمس الثلاثاء بمطار الحسن الاول بالعيون، بعد إزالة الكراسي الخاصة بالإنتظار لي كيگلسوا عليهم الناس من شيب وأطفال ومرضى فبهو المطار.
هاد الغطرسة لي شدات المشرفين مطار العيون، تظهر بالملموس سوء التدبير وسوء الخدمات والرداءة في التعامل مع المواطنين لي كيسافروا من مطار العيون، بالإضافة إلى حالات السرقة المتكررة التي تتعرض لها حقائب المسافرين .
إدارة المطار وبعدما حيدات جميع الكراسي، من بهو المطار ولي ماكايناش حتى فأي مطار ولا شي محطة فالعالم، خلات كراسى ديال القهوة باش لي يريح عليهم ايميزي بضوبل ثلاثة ديال لخطرات، وهنا كيتطرح التساؤل واش المواطن الصحراوي ماعندوش الحق باش يتلقى معاملة مزيانة فهاد المطار !؟