خاص.. مريم أمجون كانت راجعة عند ماماها اليوم للمغرب وها علاش مجاتش وها شنو قالت الأم ديالها ل”كود”

علمت “كود”، من مصادر خاصة، أن المغربية مريم أمجون صاحبة لقب بطل “تحدي القراءة العربي”، كانت غادي ترجع زوال اليوم الأربعاء إلى المغرب. ووفق مصادر “كود”، فإنها كانت غادي تنزل فمطار محمد الخاس الدولي فحدود الساعة الواحدة زوالاً.
من جهتها، قالت الأم ديال التلميذة المتألقة مريم أمجون، في تصريح ل”كود”: مزال معارفة وقتاش بنتي غادي ترجع للمغرب، وكونت دايرة بحسابها باش تجي اليوم الأربعاء ووجدنا كولشي والدار عامرة عندي في فاس من البارح لكن البنت مبان عليها خبار وقتاش راجعة”.
“كود” دارت اتصالات مع مصادر مقربة من الوفد المرافق للتلميذة مريم، وقالت ل”كود” أن الإمارات العربية المتحدة ضايفات التلميذة مريم عندها ليوم.