واش الفيديو الجنسي اللي منوضها ديال برلماني مغربي؟ بامي: وا عباد الله ماشي انا

انتشر خلال الساعات الماضية، على تقنية الترسال الفوري “واتساب”، شريط فيديو وصلات المدة ديالو لدقيقة و50 ثانية. هاد الفيديو بان فيه شي حد كيبان كيبوس وكيعنق فشي وحدا بداخل شي طونوبيل. الموصيبة ان الناشرين ديالو قالو على أن هداك اللي باين هو برلماني من البام.
“كود” دارت اتصال مع داك البرلماني واللّي هو عبد الفتاح العوني واستغبر من الإقحام ديالو فداك الشريط، وقال ل”كود”، واعباد الله راه ماشي أنا هداك وحتى الشبه مكاينش كاع ولي دبا وصلنا ليه أن هداك اللي باين برلماني من العاصمة الليبية طرابلس”.
واتهم البرلماني البامي العوني، في تصريح ل”كود”، بعض المقربين منه بإحقام إسمه فهاد الشريط، مشيرا إلى أنه غادي يمشي للقضاء.