الأرصاد الجوية:شتا مجهدة جاية و الثلج ف هاد المناطق

المديرية ديال الأرصاد الجوية حذرات قبل قليل من زوال اليوم الخميس من أمطار غادي تكون قوية. فقد أعلنت أنه ابتداء من اليوم الخميس وإلى غاية انهار الاحد الجاي غادي تعرف الحالة الجوية العامة تغييرا نتيجة ديال اقتراب واحد المنخفض جوي.
هاد المنخفض حسب بلاغ للمديرية، توصلت به “كود”، غادي غادي يوجه تيارا جنوبيا غربيا نحو البلاد وغادي يفتح المجال لمرور سحب ممطرة ستهم جنوب ووسط البلاد لتنتقل بعد ذلك لتشمل شمال وشرق البلاد المناطق الداخلية ومرتفعات الاطلس.
وزاد البلاغ أن هاد الأمطار غادي تكون عامة وغادي تكون أحيانا معتدلة الى قوية على شكل زخات رعدية غزيرة أحيانا فالسهول الاطلسية الشمالية الوسطى، مرتفعات الاطلس والسهول المجاورة خصوصا يومي الجمعة والسبت.
وبالنسبة لدرجات ديال الحرارة فستعرف انخفاضا ملموسا خاصة يوم الأحد مع تساقطات ثلجية مرتقبة بمرتفعات الأطلس الكبير والمتوسط، قبل أن سيستقر الطقس يوم الإثنين المقبل لتعود الأجواء الممطرة من جديد ابتداء من يوم الثلاثاء والأربعاء المقبلين.