قضية خديجة حامضة.. الخبرة الطبية قالت أنها باقة عزبة والوشام قديم

قضية خديجة الموشومة رجعات من جديد الواجهة بعدما خرجات نتائج الخبرة الطبية وبينات أن بزاف الوشوم لي في لحمها قديمة وشي وحدين فقط لي جداد، كيفما قالت ليندا، الخبيرة لي ناضو بغاو يدعيوها حيت زعما كتكذب.
مصدر “كود” أكد أن التقرير لي خرج بالفرنسية جا فيه أن خديجة تمارس عليها الجنس لكن مازال عزبة وباقة بالبكارة ديالها.
بنت نواحي بني ملال تحديدا منطقة ولاد عياد واجهوها اليوم مع واحد من الدراري لي كتقول اغتصابها، والمحكمة قررات في الأخير تأجل الجلسة حتال 24 في الشهر.
الحد الآن 14 واحد لي مشدود في هاد القضية لي ولات قضية رأي عام، ومازال ثلاثة غابر ليهم الأثر منهم داك عز الدين لي واشم ليها اسمو في العنق ديالها ورجلها.