بنعبد الله جايب النفس على شرفات ومزال مقصّح من جيهتها.. ها كيفاش داز السلام بينو وبين عمارة اللّي دار تصرفات خايبة

يبدو أن محمد نبيل بنعبد الله، الأمين العام لحزب التقدم والاشتراكية، مزال مقصّح بزاف من جيهت شرفات أفيلال الكاتبة السابقة للدولة المكلفاء بالماء اللّي تعفات باقتراح من رئيس الحكومة، كما جاء في بيان سابق للديوان الملكي.
وحسب مصادر “كود”، فإن الثالث ديال جنازة أرملة عبد الكريم الخطيب مؤسس حزب العدالة والتنمية التقى الوزير عمارة بنبيل بنعبد الله لكن السلام بيناتهوم كان بارد لأقصى درجة. مصدر حضر الجنازة قال ل”كود”، أن نبيل مداهاش كاع فاعمارة ومشافش جيهو وخا كان على اليمين ديالو.
نبيل عارف مزيان شكون كان سببا فإعفاء شرفات اللي دافع عليها المكتب السياسي بعد إعفاءها من المهام الحكومية اللي كان شداها. وهادشي علاش خلاّ نبيل مسافة بينو وبين الوزير عمارة.