طالع ليه الجوك واش كيوجد لدخولو للسياسة. الملياردير لعلج ولى رئيس مجلس ادارة “ساهام” وزوج ولدو

هادي سيمانا ديال الملياردير سعيد لعلج. مول شركة “اونيمار” ديال المصبرات وصل للقمة ديالو بعد تعيينو بداية الاسبوع رئيس مجلس ادارة “ساهام” للتأمينات اللي تباعت للشركة الجنوب افريقية “سانام”. تعيين يؤكد كما وانفردت به “كود” قبل ايام ان الصفقة اللي تعطلات تمت الموافقة عليها رسميا من قبل السلطات المختصة المغربية وسيتم انهاء كل التفاصيل ديالها شهر اكتوبر المقبل.
لعلج عندو اسهم فهاد الشركة ودابا ولى باطرونها. هاد الشي غادي يعاونو بزاف فالبيزنس ديالو فافريقيا بزاف بزاف.
لعلج طالع ليك الجوك بزاف. هاد لملايري وللي عفريت كبير فالبيزنس سالى الاسبوع بعراسية لولدو اللي تزوج بضياء دكير بمدينة مراكش. العراسية من الخميس وهي بادية حتى فالساعات الاولى من يوم غد الاحد.
طبعا لعلج اللي ما عزيزش عليه الاضواء خرج خرجة وحدة ويقدر هاد الضو يعميه. جاب الفعفاع وعينو على رأس الباطرونا. عينو يعني جاب ليه الاصوات وتكلف بكل تفاصيل حملتو.
واش كيوجد يدخل للسياسة حتى هو؟ هاد الشي ماشي مستبعد