مجلة “فوگ” العالمية دارت حوار مع المصمم المغربي امين بن درويش: بديت كنصمم الحوايج باش نعجب الدريات.. والرسول كان عندو عادي المراة والراجل يلبسو بحال بحال (صور)

مجلة الموضة العالمية “فوگ”، دارت حوار مع المصمم المغربي امين بن درويش، وفهاذ الحوار هدر امين على الصغر ديالو، وتصاميمو، وعلاش ختار يصمم للباس معندوش جندر.
قال المصمم المغربي ل”فوگ” انه كان فقير فاش كان صغير، وباش يقدر يعجب البنات ويتصاحب معاهم بلا ما يضبر فالصرف، بدا كيصمم الحوايج، ومن بعد بدا كيلبس راسو بتصاميمو، اولا باش يبقا يعجب دريات، وثانيا، حيت واليديه مكانش عندهم الفلوس.
وفسر امين للمجلة انه قرر يصمم لباس ماعندوش جندر، اي موجه للنساء والرجال، واخا عارف ان هادشي غيجبد ليه الصدع مع الناس المحافضين، منهم الام ديالو.
وباش يدافع على الفكرة ديالو، وعلى تصاميمو ال”الجندر-فري”، عطا امين، مثال بالرسول، وقالهم انه زمان واحد الكوبل من قوة فقيرين كانو كيتبادلو نفس اللباس، والرسول مكانش كيشوكيه هادشي، ومان كيجيه عادي، اذا علاش حنا فهاذ العصر غانديرو من الحبة قبة؟.