حكومة الأندلس بغات ترجع 2500 حراكَ للمغرب

قالت صحيفة الباييس الاسبانية ان حكومة الاندلس المحلية بغات تضغط على مدريد باش تعاود تتفاوض مع المغرب يقبل يرجعو عندو الحراكة خصوصا الاطفال منهم، هادشي بسبب ان كاع مراكز الاستقبال ف الاندلس عمرو بزاف ، التقارير كتقول ان اكثر م 2500 حراك قاصر من اصل مغربي عايشين ف الاندلس .
قضية القاصرين بلا اوراق ف اوروبا و خصوصا ف المانيا و السويد تناقشات مع المغرب بزاف المرات ولكن رفض يتسقبلهم نظرا لصعوبة تحديد هويتهم و ايضا لان اغلبهم ماشي قاصرين اصلا.
هاد ضغط الحكومة المحلية ديال الاندلس جا بعدما اول مرة يقبل المغرب بستقبل 116 حراك افريقي من طرف حكومة سبتة بعدما كان من قبل غير كايوصلو سبتة صافي كايوليو مشكلها نظرا لان غالبهم كايطلب اللجوء السياسي و اخر الاخبار كتقول ان محكمة تطوان غادي تحاكمهم بتهمة الهجرة السرية و هادشي اللي خلا المنظمات الحقوقية تحيح و تستغرب هاد التصرف من طرف لا المغرب ولا اسبانيا اللي ماراعاتش طلبات اللجوء ديال هاد الناس.