الصحافة الاسبانية يا حسرة. قناة لا سيكستا قالت شي كذوب على التجنيد الاجباري

قناة لا سيكستا الاسبانية طلقات شي كذوب على التجنيد الاجباري بلا حيا بلا حشمة، مستندة في مقالها لشي مجموعة فايسبوكية عاطيينها للإشاعات.
المجموعة قالت أن التجنيد الاجباري غايكون حتى للبنات، وغايدار ليهم التيست ديال العذرية، واللي مالقاوش عندها العذرية غايبلغو عائلتها باش ماتقول أنها تغتاصبات فالجيش.
هاد الهضرة جابتها القناة من عند شي مجموعة ديال رفض اعادة التجنيد الاجباري، لي قالت أن شي عشرة الاف مغربي انضموا ليها.
وقالت القناة أن المغرب على غرار باقي الدول العربية لي كادير التجنيد الاجباري للنسا وكادير ليهم تيست ديال العذرية تا هو غايديرو.
هادشي كولو تخربيق فتخربيق، ولحدود الساعة ماكاين حتى حاجة من هادشي، والقناة نقلات غير لكذوب بلا ما تتحرى، وفالتالي كيجيو يقولو الصحافة الاسبانية المهنية لي كتبغي تعطي الدروس للجميع.