غريب هاد الشي وغادي يشوه بلادنا وصافي. شدو ابتسام لشكر فالرباط وها التهمة

غريب هاد الشي وكيخلي الواحد يسول اسئلة كثيرة. اعتقال ابتسام لشگر زعيمة الحركة البديلة للدفاع عن الحريات الفردية “مالي”. تم اعتقالها اليوم الجمعة.
فقد تم اعتقالها بمدخل المدينة القديمة وحسب مصدر ل”كود” فقد اعتقلت ووجهت اليها تهم “السكر العلني البين وإحداث الفوضى وإزعاج راحة المواطنين”.
غير هاد الشي ما شادش. بنت كتشرب وكتسكر فالمغرب هاد الشي موجود. علاش ما كيتشدوش، فكازا فعين الذياب ماشي غير شي نوعية من لبنات كيسكرو وكيحيحو يقدرو يتعراوا وما كيقربوش منهم. علاش ابتسام لشكر. هنا كاينة اسئلة. الباقي غير تفاصيل.
دابا راها رهن الحراسة النظرية ونتمناو تطوى قضيتها قبل ما تعود شوهة جديدة تنضاف لشوهات اعتقال صحافيين ومحاكمتهم واعتقال ناشطين. لبلاد ما تستحقش هاد الشوهة.