الفايك نيوز مستهدف ناس الاحرار. خلق حوار ما كاينش مع الطالبي العلمي ودارو صفحة ل”افريقيا”

الفايك نيوز محيحة فالبلاد. اليوم الضحية ديالها التجمع الوطني للاحرار. بدات بصفحة استهدفت “افريقيا” وفالحقيقة مستهدفين مالكها عزيز اخنوش رئيس التجمع الوطني للاحرار. هاد الصفحة نشرات اخبار كاذبة “مشات بعيد هاد المرة٬ البارح تم تداول خبر ديال أن افريقيا غادا تهبط الآثمنة وغتعطي قسيمة شراء ديال الف درهم للزبناء”.
الخبر تم الترويج له بطريقة مقصودة وكذبات باللي “العروض الرسمية ديالها كاينين فقط فالموقع وصفحة فايسبوك الرسمية٬ وأن أي تلاعب فهاد الصدد هو جاي من رابط لا وجود له أصلا”.
طبعا اللي من مصلحتو ينشر هاد الأخبار فهاد الظرفية؟ وعلاش تيستخدمو وسائل متطورة في نشر الإشاعات والأكاذيب معروفين.
الفايك الثاني تعرض ليه وزير الشبيبة والرياضة رشيد الطالبي العلمي. خلقو ليه استجواب خيالي ونسب الى “مدون فرنسي يعمل متعاونا مع احد المواقع المعروفة في فرنسا”.
المقربون من رشيد الطالبي العلمي نفوا هاد الحوار المتعلق ب”مكان تنظيم كأس افريقيا للامم سنة 2019″.