اخنوش رجع يتحرك. بعد الاجتماع الحزبي فطنجة بان فاختتام مهرجان تيزنيت احدى قلاعه الانتخابية

عزيز اخنوش رئيس التجمع الوطني للاحرار بدا بشوية بشوية يرجع للساحة السياسية. بعد حملة المقاطعة اللي كانت مستهدفاه شخصيا اكثر من استهداف شركتو “افريقيا” كما كانت مستهدفة مريم بنصالح اكثر من “سيدي علي” وشركة “سانترال”٬ كان خدا مسافة وغبر٬ قبل ما يرجع لمواصلة نشاطه السياسي وحتى ظهورو فانشطة فنية.
بعد اجتماع المكتب السياسي لحزب التجمع الوطني للاحرار بطنجة اللي قبل ايام كانت انشطة اخرى وضحات هاد العودة. كان عشاء مع الملك محمد السادس في اقامته بتطوان رفقة اخرين. كان حضورو فمجلس النواب. كان ظهورو فمهرجان تيميتار اللي كينظمو فمدينة اكادير.
البارح واصل هاد الظهور فاحدى القلاع الانتخابية ديالو فتيزنيت. بان فاختتام الدورة التاسعة لمهرجان "تيميزار". المدينة عندها اهميتها فالانتخابات