لعرب كلهم خرجو من المونديال. بلجيكا تكرفصات على تونس وتأهلات والتوانسة خرجو ولوكاكو بحالو بحال رونالدو

اخر دولة عربية خرجات من المونديال. يتعلق الامر بمنتخب تونس اللي خسر مع بلجيكا قبل قليل ب5 لجوج. ماركا النجم البلجيكي اللي كيلعب مع تشيلسي ازار من ضربة جزاء فالدقيقة 6 ثم ماركا لوكاكو هدفه الثاني فالدقيقة 16 وبعد دقيقتين ماركا دو برون ضد مرماه وفالدقيقة 92 رجع لوكاكو وماركا الثالث للمنتخب ديالو والرابع ليه فهاد المونديال. ولى بحالو بحال رونالدو. ورجع ازار وماركا البيت الثاني ليه فهاد الماتش والرابع لمنتخبو فالشوط الثاني وبالضبط فالدقيقة 51 قبل ما يزيد اللي عوضو باتشواهي هدف المنتخب الخامس فالدقيقة 90.
التوانسة وقفو فهاد الماتش. شوهو بزاف. ما لعبوش الكورة غير كيفرجو بحال الهدف الخامس. التوانسة زادو بيت ثاني فالدقيقة 93 بواسطة الخزري.
هاد الشي كيعني بلجيكا تأهلات بعد الفوز الثاني ليها. تونس خرجات بعد الهزيمة الثانية. دابا حتى دولة عربية ما بقات فالمونديال. كانو ربعة خرجو بربعة.