تدوينة رجعاتو ضحكة. بنعرفة: واش رئيس حكومة ولا مسؤول فشركة تواصل را حنا مواطنين ماشي مستهلكين

رئيس حكومتنا ابن عرفة داير ضحكة فراسو. اليوم ما عرفناش اش قال ليه الطنطون ديال راسو ناض كتب تدوينة فيها “المستهلك اولا”. وكتب الطبيب النفسي اللي عزيز عليه يقولو ليه “دكتور” “اطمئن الرأي العام بان الحكومة تسهر بشكل يومي على حماية المستهلك والقدرة الشرائية للاسر المغربية. وعلى اتخاد كافة التدابير للتصدي للممارسات غير المشروعة التي قد تنعكس سلبا على ضمان تموين الاسواق بالمنتجات وعلى جودتها والتي قد تسبب في ارتفاع الاسعار”.
طبعا هاد الشي شدو فيه عليه. الصحافي عبد الصمد بنعباد كتب “للشركة أن تطلق علي اسم #المستهلك وتنشر وسم/هاشتاغ #المستهلك_أولا، لكن لا يحق للحكومة أن تسميني مستهلكا، فعلاقتي بها ليست زبونية، بل مدنية مواطنية.. فأنا مواطن والأولى أن تقول #المواطن_أولا”
اخر قال ليه “واش انت رئيس حكومة ولا مسؤول فشركة تواصل”. شي شد فيه على لنگيزة ديالو شي ضحك عليه وطلب منو علاش ما يعتاذرش. المهم قصرو بيه هاد الليلة