ها التسيب فين كيوصل. ودابا قلبي يا الدولة على شكون يجي يستثمر فالمغرب لا اولاد لبلاد لا الاجانب. مسؤول حكومي ل”كود”: هاد الشي خطير واللي غادي يخلص هو المغرب

الموقف الانتهازي لحكومة بنعرفة من حملة المقاطعة غادي يكون ثمنو غالي بزاف علي لبلاد. على اقتصاد لبلاد. دابا شحال من مجلس حكومي وهي كترفض حتى تتكلم على الموضوع كيف كيقول الناطق الرسمي باسم الحكومة بعد كل مجلس حكومي يوم الخميس. تابعة الحملة. تابعة حملة المقاطعة اللي فالعمق ما غادياش تقتل الا المغرب.
صورتو ماشي بلاد عندو دينامية فمجتمعو المدني حقاش هاد الحملة سياسية فالاصل ماليها عندهم حسابات سياسية ضد خضوم سياسيين وماشي اقتصادية ولا كتهم القدر الشرائية للمواطن المغربي.
غير الثمن ديال تصفية هاد الحسابات السياسية غادية تكون مكلفة جدا للاقتصاد المغربي. مصدر حكومي قال ل”كود” “كنستغرب باش الحكومة اللي انا عضو فيها مازال ما بغاتش تثير هاد الموضوع” المصدر اكد ل”كود” ان الخاسر الاكبر فهاد الشي ماشي رجال الاعمال فالمقال الاول بل الدولة” واضاف ل”كود” “كيفاش غدا ممكن نجي شي حد للبلاد ويستثمر. ودابا اقناع حتى مستثمر محلي غادي يولي صعيب ما بالك فمستثمر اجنبي”.
وحمل المسؤولية لتغييب هاد النقاش فالمجلس الحكومي في تصريحه ل”كود”٬ الى رئيس هاد الحكومة
مصدر “كود” قال ان الجو المشجون الغريب غيب صوت العقل وباللي هاد الشي خطير والمغرب هو اللي غادي يخلص