مجمر تسبب فإختناق ثلاثة ديال المغربيات فالطاليان

تمكنات فرق الإنقاذ بنواحي مدينة “كونيو” الإيطالية، من انقاذ ثلاث ديال الشابات المغربيات، وهزوهم فعجالة للمستشفى ، بعدما تصابو باختناق شديد وسط دارهم فبلدة “درونيرو” ، نتيجة استنشاقهم لكمية كبيرة من غاز (أحادي أكسيد الكربون) الي نباعث من مجمر كانو كيسخنو بيه .
وقالت مصادر إعلامية محلية نقلا عن المسعفين، أن مصالح الإنقاذ توصلات بنداء الاستغاثة من عند وحدة فيهم، ولي فعمرهم ما بين 20 و22 سنة ، وبزربة جاو ونقلو المتضررات ل”طورينو” لحالة الإختناق الشديد فاش كانو، و تم إدخالهم لغرفة الإنعاش، وتجاوزو دابا حالة الخطر .