فضيحة مابحالها فضيحة.. فيديو حصري كيفضح “المارشي نوار” فقلب الباطوار ديال فاس

فجر شريط فيديو حصلت عليه “كود” فضيحة من العيار الثقيل داخل المجزرة البلدية بفاس الواقعة بحي عين قادوس.
ويظهر في الشريط الذي تصل مدته دقيقتين و24 ثانية ثلاجات وبداخها لحوم مشكوك في مصدرها، وهادشي بطبيعة الحال يفتقد لأبسط شروط السلامة الصحية.
وأكد صاحب الشريط أن “الباطوار” ديال فاس يتحكم فيه “لوبي” كبير وبتواطؤ مع المدير، وطالب من السلطات الأمنية والمحلية بالتدخل العاجل لفتح تحقيق في الموضوع.. واللّي الخطير فالفيديو أنه بانت فيه كميات كبيرة ديال اللحم فشي ثلاجة =كونجيلي= وهدا خرق للقانون وميمكنش اللحم يخرج بهاد الطريقة من الباطوار ويخرج للسوق يتباع للشعب.
هادشي خطير بزاف بزاف وسبقات ل”كود” حذرات منو.. ردو بالكوم يا فاسة وشوفو آش كتاكلو.
الفيديو فضح اللوبي اللي شاد الباطوار ديال فاس واللّي محكم فيه وفيه حتى أشخاص عندهوم سوابق وفارضين السيطرة ديالوم وحتى شي حد ميقد يهضر او يبلغ على هاد الفساد اللّي هادي سنوات وهو معشش فالباطوار.
المارشي نوار فالباطوار ديال فاس
Publiée par GOUD sur mardi 10 avril 2018