مؤسسة “البريد بنك” بعد فضيحة تحويل مبالغ مالية كبيرة للزبناء ديالو: كاين عدد كبير اللّي رجّع لينا لفلوس

مؤسسة “البريد بنك” خرجات اليوم ببلاغ على لفضيحة اللّي شوهاتها فالمغرب ديال تحويل مبالغ مالية مهمة إلى حسابات زبنائها بعد “عطب تقني” مسّ بعض الشبابيك الإلكترونية.
البلاغ كشف ان هاد العطب مس الشبابيك لدقائق ماشي بزاف، واكد “البريد بنك” أنه كاين بعض الزبناء اللّي خرجو فلوس كتفوق الأرصدة ديالهوم البنكية. وأوضح المصدر أن فريق من البنك عالج المشكل بالزربة ورجع كولشي بشكل عادي.
المؤسسة البنكية المذكورة اكدت ايضا أن مجموعة من الزبناء رجعو لفلوس اللّي كانو جبدوها من الشبابيك البنكية ودبا مزال الامر كيتعالج.