حكومة بن عرفة قالت غادية تسيوي الملفات العالقة لحقوق الانسان ولكن مقداتش على ضوصي ديال بنبركة

بن عرفة رئيس الحكومة قال في بداية المجلس الحكومي أنه غادي يبدا يقاد الضواصا ديال ضحايا انتهاكات حقوق الإنسان، من هذ الشهر
باش يلقا ليهوم الحل.
وبخصوص تسويات هد الضواصا مصطفى الخلفي الناطق الرسمي بإسم الحكومة في مؤتمر صحفي بعد المجلس الحكومي، مبغاش يجاوب الصحفة على الضوسي ديال المهدي بن بركة القيادي الإتحادي، وقال أن الأمر تيهم القرارات التحكيمية لي متنفداتش.
وزاد قال أنه بدات الخطة الوطنية للنهوض بحقوق الإنسان، وأنه كاع قطاعات حكومة أتنزل المقتضيات المسطرة والمرتبطة بقطاعه أي المحاور الأربع، الديمقراطية والحكامة، الحقوق الاقتصادية والاجتماعية والثقافية والبيئية، محور الحقوق الفئوية، ومحور الإطار القانوني والمؤسساتي، باش يولي المغرب من بين 39 دولة تتخدم بتخطيط استراتيجي باش تكون حقوق الإنسان واقفة على رجليها.
ولكن قاليك أربع قضايا مزال تيهضرو فيها "الإعدام، اتفاقية روما، اتفاقية 87 لمنظمة العمل الدولية، وشي قضايا أخرى في مدونة الأسرة".