طنوبيل قتلات طالب أمام كلية العلوم بمكناس وخو قاطع من ممر راجلين

كسيضة مات بسببها طالب أمام كلية العلوم بمكناس وهو غادي يدخل يقرا مع 8 ديال هذ الصباح.
الطالب قاطع من ممر الراجلين لي كاين مباشرة أمام الكلية وخا ممحي مبقاش تيبان باش ميخلش الغرامة ويحترم القانون، وفجأة دخلات فيه سيارة قتلاتو بالبلاصة والإسعاف تعطلات ب 40 دقيقة، الطالب حميد ولد مدينة سبع عيون تيكمل قراية في شعبة البيولوجيا السنة الأولى كان عوال يمشي للكلية باش يراجع درسو.
هذا ماشي أول حادث فمحيط كلية الأداب والعلوم بمكناس بسباب بلاصة الباب الخلفي ديال الأداب ليحدا قوس السور مولاي اسماعيل لي تيضرك شوفان ديال الطلبة والسيارات، وغير البارح طالب دار كسيضة بالبيكالة ديالو قدام كلية الآداب.
بعض الفصائل الطلابية خرجو هذ الصباح بمسيرات واحتجاحات و تيقولو أنهم غدي ينوضو زلزال طلابي بسبب استهتار المسؤولين والمعنيين بالشأن العام في مكناس، والإستهتار بالحياة ديال الطلبة.
وهدشي جا بعد أيام من تطبيق قانون الغرامة المالية ديال 25 درهم لي مقطعوش من ممر الراجلين