ها كيفاش قولبات الاغلبية البام وكيفاش ناض الصداع بين كوكوس وبنعزوز اليوم فمجلس المستشارين

ملتمس حزب الاصالة والمعاصرة اللي كانو موجدينو اليوم فمجلس المستشارين باش تصوت عليه الفرق بخصوص استدعاء الحكومة على خلفية مقتل 15 مرا في سيدي بولعلام طلع فالصو. البام بغى يركب عليه كيف ركب على تأهل المنتخب المغربي لكرة القدم ويبان فالصورة ويستغلها سياسيا٬ ساعة قولباتو فرق الاغلبية. فكما اشارت الى ذلك "كود" في وقت سابق من اليوم٬ ما حضروش ليه. وحتى اللي حضرو وفق مصدر "كود" حيحو على رئيس فريق البام بنعزوز.
كوسكوس ديال الحركة الشعبية نائب الرئيس اللي رأس هاد الجلسة كان من هادو. وعليه خلى صحاب البام يتغاوتو واعلن على التصويت. الموافقون على الملتمس 0 والمعارضون 0 والممتنعون 2.
صحاب البام بغاو التأجيل غير هاد الشي ما صدقش.