واش كاينة ريحة السياسة فهاد الشي؟ ها شكون هو المحسن اللّي قدم مساعدات غدائية ضواحي الصويرة وسالى بفاجعة كبيرة بعد وفاة 15 سيدة: كان كيديرها كل عام

حصلت "كود" على معطيات حصرية عن المحسن اللّي قدم مساعدات غدائية باسم الجمعية ديالو المحلية بالسوق الأسبوعي لجماعة سيدي بولعلام بإقليم الصويرة وسلا الخير اللّي دار بوفاة 15 سيدة. ووفق لما كشفت عنه مصادر "كود"، فإن هاد المحسن إسمه "عبد الكبير الحديدي" رئيس جمعية أغيسي لتحفيظ القرآن الكريم بإقليم الصويرة. هو مقرئ معروف
وأوضحت مصدر رسمي ل"كود" أن هاد العمل الخيري معندو حتى شي علاقة أو ريحة ديال السياسة. "هاد العمل كيديرو كل سنة هاد المحسن وهو من مواليد 1963 كابن بكر وأخ أول لأربعة إخوة كلهم من حفظة القرآن الكريم.
دابا مازال البحث كاين. كانو شي كاسكيطات ديال البام كيدورو فهاد النشاط. دبا رسميا ما كاينة علاقة ولكن مع التحقيق غاديين نعرفو اكثر