واش هاد المسؤولين كيحشمو ولا ما عندهم وجه. جايين يدفنو ديال عيالات تقتلو على 160 درهم بطونوبيلات مازوطها فايق الگفة بشللى =البوم صور=

واش هاد المسؤولين كيحشمو ولا ما بقى عندهم علاش يحشمو. كيفاش هاد الوالي ديال مراكش الحوز تانسيفت جا لمستودع الاموات بجلابة ومن بعد بدلها هو والعامل ديال الصويرة بجلابة اخرى باش انتقلو للمقبرة يدفنو عيالات تقتلو على قبال كفة ما كتعداش 160 درهم. اكثر من ذلك رئيس الجهة البامي احمد اخشيشن ومسؤولين اخرين جايين بمرسديس وبسيارات اخرى غالية. ثمن الكازوال ديالها يدوبل قيمة الكفة اللي تقتلو عليها لعيالات البارح فسيدي بولعلام نواحي الصويرة.
فالعالم كلو باش كتكون جنازة او دفين فشي منطقة =هاد الشي عندنا حتى حنا= خاص اللي جايين كيحضرو خاصة الى كانو مسؤولين يجيو بلا ما يبينو طونوبيلاتهم. بلا ما يزيدو يحگرو ناس فقدو ماواتهم على شوية الدقيق والسكر.