ولاباس بعدا. حصاد ما تعقدش من الاهانة اللي دارت لو باقالتو بوحدو بلا وزير المالية. حضر بمعنويات عالية اول اجتماع للمكتب السياسي لحزبو الجديد والحيطي ما جاتش

محمد حصاد مازال شاد فراسو وما نهارش. وزير التربية الوطنية والتعليم اللي تمت اقالتو هاد السيمانا على خلفية تقرير المجلس الاعلى للحسابات حول مشروع "منارة المتوسط" حقاش هاديك الوقت كان وزيرا للداخلية٬ حضر هاد الصباح لاجتماع المكتب السياسي لحزبو. حضر لنشاط حزبي هدر على نفس الموضوع. مصدر حركي قال ل"كود" باللي المعنويات ديالو كانت كبيرة. اللي كيعرف حصاد كيعرف باللي عندو قدرة كبيرة جدا على تحمل الضربات القوية بزاف.
هاد الاجتماع حضر ليه السكوري البرلماني اللي جا فبيان الديوان الملكي باللي الملك ما راضيش عليه وباللي ما عمرو ياخد منصب رسمي. في المقابل حكيمة الحيطي ما جاتش للاجتماع
عودة حصاد عنها معنى واحد. السيد غادي يرجع للحركة وممكن يكون هو الامين العام المقبل. خاصة ان هاد الحزب كلى لعصا بزاف بزاف