طائرة خاصة غادي تنقل اللاعبين ديال الوداد والصحافيين لمصر

قرر سعيد الناصيري، رئيس فريق الوداد الرياضي، تخصيص طائرة خاصة باش اسافروا اللاعبين والبعثة ديال الفريق إلى مصر، استعدادا للمباراة القوية ديالهم مع فريق الأهلي المصري برسم الجولة نهائي دوري عصبة الأبطال.
وغادي اسافروا الوداد غدا لمصر في طائرة خاصة وغادي امشيو معاهم بوفد صحافي لتغطية المباراة، خصوصا أن مصل هذه المباريات كتعرف أحداث لتقدر تأثر على اللاعبين من قبل المصريين، لغادي احاولوا اشتو التركيز ديال لاعبي الوداد.
وفضل عموتة امشيو من نهار الأربعاء إلى مصر باش اخلي اللاعبين اتأقلموا مع الأجواء ومع الضغط ديال المباراة، لغادي تلعب السبت المقبل، بمصر.
المهمة ديال الوداد غادي تكون صعيبة شوية خصوصا بعد الفوز العريض للأهلي على حساب فريق النجم بستة أهداف، سجل منها المغربي وليد أزارو ثلاثة ديال الأهداف، وغادي احاول اسجل على فريق الوداد الرياضي.
وكيبقى الغائب الأبرز عن الوداد هو أمين عطوشي، لتطرد في الماتش الأخير مع اتحاد العاصمة، وغادي اكون مضطر إلى أنه العب السعيدي في خط الدفاع مع رابح، في ظل غياب نعيم أعراب لكان مصاب.