الملك: راني ماشي غير كينهدر واللي حصل غادي يولي وخاص الامور تقاد ولو تطلب الامر يوقع زلزال سياسي

بزافت الناس قالو باللي خطاب العرش كلام وهضرة وصافي. حقاش تسناو شي اجراءات باش يتم تفعيل التشخيص اللي دار. دابا جا خطاب افتتاح الدورة الخريفية للبرلمان اليوم باش يرد على هاد الانتقادات. محمد السادس بين باللي راه خطاب الاستمرارية وخطاب اللي حصل يودي. قال باللي كان الاجراءات اللي تقالت فالخطاب ديال العرش خاص تفعيلها. جبد التماطل والتأخر فانجاز الاوراش الكبرى وقال خاص تنفذ هاد المشاريع وباللي الحسم مع كل تقصير لا تراجع عنه
المحاسبة حتى هي جبدها. بين باللي جاية وقريبة بزاف. ماشي غير حقاش اعلن على تعديل حكومي وللي ممكن يكون موسع وممكن يدخل فيه الاستقلال كاع ولكن من خلال ربط المسؤولية بالمحاسبة من خلال عمل المجلس الاعلى للحسابات =تتبع وتقييم المشاريع العمومية بمختلف الجهات= من خلال احداث خلايا للتتبع بالداخلية والمالية. يعني الحساب كاين كاين ولو تطلب الامر زلزال سياسي.
باختصار غادي يتم محاربة كاع اشكال التسيب ومحاربة المفسدين.
الملك بشر في المقابل بعهد تنموي جديد. فيه المقاربة تشاركية. هاد العهد اللي بشر فيه كاين الإسراع بإحداث المؤسسة الدستورية التي هي المجلس الاستشاري للشباب دون ان ينسى الاهتمام بالمواطنين اللي ما استافذو والو من المشروع التنموي الجديد