حصاد من "خدام الدولة الصحاح: عندو دار اخرى فبوزنيقة وفالملك البحري ما خاصهاش تبنى كاع وماشي غير بوحدو معاك كبار رجالات الدولة

محمد حصاد وزير الداخلية من خدام الدولة لكبار. ماشي على خدمتو بل على حجم استفاذتو. من غير الدار اللي عندو فطريق زعير واللي شراها بطاطا برطل وخرج فينا عينيه هو ومحمد بوسعيد وزير الاقتصاد والمالية واللي حتى هو استافد٬ حصاد عندو دار فالقصبة فبوزنيقة. اللي كيعرف هاد لبلاصة كيعرف انها مبنية فالملك البحري وما خاصهمش كاع يبنيو. ماشي غير هو اللي مستافد. كاينين كثار معاه استافذو وكلهم من كبار رجالات الدولة ولا ولادهم. كاين اللي مات وخلى الورث لعائلتو
حصاد خدا هاد الشي باش كان فوزارة التجهيز ولكن الاساسي هو ان هادوك الديور اللي ساكن فيها هو وغيرو مشوهين المنطقة ومستغلين الملك البحري وفدولة كتحترم راسها خاصهم يحيدو. بلا ما نوصلو كاع لكيفاش وقع التفويت