ولايني شمتة هادي. لمغاربة خلصو فوربيس باش تمدح الملك فعيد العرش: داروها وذكرو باللي ثروتو 2 مليار دولار وهاد الشي تزامن مع ما اللي كال فخطابو: اين ثروة المغاربة

لمغاربة اما اغبياء ولا كيضحكو على الجميع. مقال فوربيس " حول 15 سنة من حكم محمد السادس يدخل في خانة "المقالات المدفوعة الثمن" وهو امر معمول به في عدة صحف امريكية متخصصة، في المال والسينما والاعمال والعقار. لمغاربة خلصوا المجلة باش تنشر غير ما هو ايجابي على الملك محمد السادس في عيد العرش، لكن هاد السيد اللي تكلف قولبوه. لان اول جملة في المقال بحال شي مقدمة فالقصيدة الشعرية القديمة وقفت على ثروة الملك قبل الدخول في غرضها المدحي، اذ اكدت المجلة ان الملك من اغنياء القارة الافريقية ثم اضافت "الملك محمد السادس من اغنياء القارة الافريقية بثروة تقدر ب2 مليار دولار" ثم كشفت ان مصدر الثروة "مشاركته في الشركة الوطنية للاستثمار "اس ان اي". بعد هاد المقدمة التقوليبة بدأ المدح في سنوات حكمه 15

علاش هاد السيد الوسيط اللي دفع لفوربيس غبي بزاف؟ حقاش خطاب العرش تحدث فيه الملك عن ضرورة تقسيم الثروة وقدم تشخصيا لوضع مختل في المغرب. يعني الملك كيسول فين الثروة وهاد المغربي للي خلص لفلوس باش يكتبو مقال ايجابي على المغرب جبد ليه لفلوس.
وشفتو اللي كيديرو راسهم كيفهمو وتعطاهم المسؤولية اش كيديرو