حوتنا و حوتهم

قاليك ديه ولا خليه
المهم راه ديال مواليه
أنت غير مسكين واش داك ليه ؟
عندك لفلوس باش غادي تشريه ؟
ها الروجي هالبواجو ها لكروفيت روايال
و شيحاجة خرى ديال لهبال
اللي عمر المسكين ما خطرتلو على بال
مكاين غير ميات درهم للكيلو
و لحماق هدا مين غادي ندوز ليلو
و لعجب كينصحونا باش ناكلو الساردين
حيت رخيص و غني بلفيتامين...
إياكم تتخلاو على لحوت لكحل
حيت هوا الي غيقويكم و يردكم بحال لبغال
و لمارشيات ديالهم مشي بحال ديالنا
حنا كنتسوقو (الشياطة دلبحر) من لكارو
الصندوقة عامرة مزيان
من لتحت حوت و من لفوق دبان
و هما من سوبير مارشي كيتقضاو غير مومو لعيان
...تفضلي امدام شوفيلي هاد الشرن
ويلي....لمعدة ديالي مموالفاش بهاد لعفن
الله يستر رديتيني بحال دوك الناس الرخاص
اللي كاياكلو غير باش يعيشو و خلاص
انا حشاك...مولفا غير بالسومو و الكافيار
و سيدي لمهدي كيجيبني للمارشي باش نختار
على حقاش هكا كنت مربية مع بابا فالدار