الخلفي ومراتو بالبحر بلباس غريب خايب منوضة الصداع. كيفاش ناطق رسمي باسم حكومة ملك باغي يعطي وجه حداثي لبلاد تخرج فهاد الوقت اللي المغرب متهم بتصدير الارهاب =صور=

الصورة اكثر دلالة وتعبيرا من كلشي. فهاد الوقت اللي المغرب متهم فالعالم كلو بتصدير الارهاب يخرج صورة مصطفى الخلفي للناطق الرسمي لحكومة الملك محمد السادس. صورة خايبة وهو فالبحر مع مراتو ما باين فيها والو لابسة حوايج الرياضة. باينة الصورة مأخوذة من مدينة القنيطرة. وصورة ثانية للخلفي بكرشو مدلية مع مراتو مغطية كلها.
الصورة دايرة الرواج فالفايسبوك. خاصة جات مع الاغتصاب الجماعي والنقاش حول اللباس في الفضاء العام. كانت يومية "الاخبار" نشراتها اليوم فعددها
صورة فتوقيت خايب بزاف. المغرب متهم بتصدير الارهاب كما جاء في حوار مع متخصص فرنسي على جريدة "لوموند". المغرب فهاد التوقيت بالضبط تخرج صورة تزيد تعطي صورة اكثر سلبية للمغرب.
ملك فالبحر بلباس البحر مع عائلتو يحترم طقوس البحر وناطق رسمي باسم حكومته يشوه هذا البحر وغادي يشوهنا عالميا. غادية تزيد قتامة لصورتنا. اش داك للبحر كري شي فيلا وبقى تشلبط فيها وهنينا. اسلامي داير لمراتو هاد الحالة اش غادي يدير للمجتمع. ها مشروعو المجتمعي. هاد الشي غاديين يقولوه الناس على برا وعندهم الحق.