الرباط: مدابزة بين بنات افريقيات تقدر تتحول لصراع بين الجالية الايفوارية و الغينية

—
تعرضت مواطنة ايفوارية ساكنة مع مواطنين من غينيا فالرباط فحي جي سانك للحرق ، اللي وقع انهم دابزو بيناتهم بسباب الأشغال المنزلية و سالاوها بحروق من الدرجة الثالتة .
هاد المضاربات بين المواطنين الافارقة من جنسيات مختلفة كثرات بزاف مؤخرا و لي كايزيد يأججها هو انتشار الاخبار فمواقع التواصل الاجتماعيبين الجاليتين و لي كايخليو المواطنين ديال كل دولة ينحازو لولاد بلادهم و المدابزات لي كايكونو اندلعو بأسباب غالبا طفيفة بين أشخاص كايوليو مدابزات بين الجاليات و صراع طائفي .
ولكن حسب مدون الايفواري المعروف فالفايسبوك " سطوني" كاتبقا هاد المدابزات قليلة و ماشي دليل على وجود مشاكل بين الجاليات بل هي مجرد حالات خاصة لي كايزيدو ينفخو فيها وسائل التواصل الاجتماعي.