داير تهديد بقتل المدربين المغاربة

بعد هشام الإدريسي مدرب النادي المكناسي اللي تلقى تهديدات بالقتل إلى ما بعدش من النادي المكناسي بالقسم الوطني الثاني، واللي بسبابها قدم استقالتو، قبل ما يتراجع عليها ملي اتصل به، رئيس الجامعة، علي الفاسي الفهري وطمأنو، جا الدور على مدرب هلال الناظور عبد الصمد بنور. المدرب قدم استقالتو من تدريب الفريق، حيت شي وحدين اتاصلو به فالتيليفون وقالو ليه إلى ما مشيتيش فحالك غادي نقتلوك ولى نخطفو ولادك. المدرب خاف على راسو وولادو وقدم الاستقالة لرئيس هلال الناظور.