زيان رفع الايقاع بزاف بزاف: كيحكموها جهلا ويا صاحب الجلالة هادو كذبو عليك وانت ضحية مؤامرة ومخطط

محمد زيان محامي ناصر الزفزافي والحقوقي والسياسي هز الايقاع بزاف بزاف. السيد بعدما قال باللي يستحيل هو يكتب رسالة الزفزافي لسبب بسيط انو ما كيعرفش للعربية مزيان٬ واوضح انه خداها من عندو وباللي وضعها عند قاضي التحقيق وفيها خمس صفحات كل صفحة فيها توقيع ليه٬ قال ان هاد الرسالة "تثبت ان صاحب الجلالة ملك البلاد ضحية مؤامرة ومخطط وكذب وهناك اناس كيكذبو على الملك". واضاف ان "هادي نتيجة وصلو ليها ناس الحراك"
وهاجم الاحزاب الست المشكلة للتحالف الحكومي اللي وصفات الحراك بالانفصاليين والخونة وخدمة اجندة اجنبية واوضح انه سيقاضيهم جميعهم ولا ما قبلوش ليه الشكاية غادي يحطها فالمحكمة الجنائية الدولية
زيان قال ان الملك ضحية مؤامرة ومخطط وانهم كيكذبو عليه واضاف ان المغرب يحكمه اليوم الجهالا "قبلنا لمدة طويلة يحكمونا البؤساء. واليوم وصلنا للبلادة السياسية . كيحكمونا الجهلاء اللي ماشي جاهل كذاب"
ووعد بنشر رسائل اخرى لمعتقلي الحراك للتواصل مع المغاربة