زيان ل"كود": المحيط الملكي والنظام ما استوعبوش مزيان الربيع العربي. راه لمغاربة باغيين غير محاربة الفساد وزيارة الملك للحسيمة كانت ستفضح صحاب التحكم

قال محمد زيان الامين العام للحزب الليبرالي محامي ناصر الزفزافي ل"كود" انه يتأسف لعدم برمجة الملك محمد السادس لزيارته الى الحسيمة قبل ايام. واكد ل"كود" ان تلك الزيارة كانت ستفضح "صحاب التحكم" اللي كيكذبو عليه. زيان اعاد التأكيد ان سكان الحسيمة كلهم كانوا غاديين ينزلو بالرايات المغربية وبصور محمد السادس لاستقباله.
زيان فسر هذا التعديل بوجود "جوج باراميتر" فالمغرب. من جهة كاين الشعب المغربي اللي استوعب بكيفية ممتازة دروس الربيع العربي٬ يشرح زيان٬ ومن جهة ثانية "المسؤولين اللي ما استوعبوش الدرس". وقال زيان ان "المحيط الملكي والنظام ما استوعبوش مزيان الربيع العربي".
زيان قال ل"كود" ان ما يطلبه المغاربة لا يتطلب لا تعديلات دستورية ولا ما شابهها بل انه يطلب فقط محاربة الفساد.
وقدم زيان مثالا لكيفية محاربة الفساد بلائحة المشاريع الملكية "سيدنا يعطينا اللائحة الكاملة لكل المشاريع اللي دشنها هادي 19 سنة ديال الحكم باش نعرفو اللي دار ونعرفو اللي ما دارش". وهادوك اللي قصرو يتحاسبو يشرح زيان.
واش باقي لهامش لتحرك ملكي؟ زيان رد على "كود" "بخطاب ملكي كلشي يتغير".