سكوب. باش نفهمو بيان الهمة وامور اخرى. مصدر ل"كود": رئيس الحكومة السابق وصل هاد الرسالة من والدي الزفزافي للقصر

علمت "كود" ان اللقاء اللي وجدو المحامي محمد زيان بين والدي الزفزافي وبين عبد الاله بنكيران رئيس الحكومة السابق ببيته الاثنين الماضي ما كانش غير باش يوصل صوت ام واب محروكين على ولدهم المشدود واللي تابعاه تهم ثقيلة بزاف٬ بل كانت وفق مصدر مطلع ل"كود" باش توصل رسالتهم للقصر.
مصدر "كود" اكد ان هذه الرسالة وصلت. رسالة مفادها ان ابنهما لم يكن يوما ضد الملكية ولا ضد الوحدة الترابية.
وتوقعت مصادر "كود" ان بيان مستشار الملك فؤاد عالي الهمة قد يكون له علاقة بنقل هذه الرسالة. بيان كان شخصي ماشي رسمي وقال فيه باللي تلاقى مع بنكيران بصفة شخصية ماشي بصفة اخرى وهدرو غير على امور شخصية. وكان بنكيران قال ل"كود" انه يرفض التعليق على البيان واعتبره "لاحدث". مصدر مطلع ل"كود" قال ان اللقاء ما كانتش شخصي "واش ايلى تلاقاو جوجت الحيوانات السياسية كيموتو على خدمتهم بحال بنكيران والهمة واخا غير صدفة ما غادينش يجبدو موضوع كلشي لمغاربة كيهدرو عليه بحال الريف؟ وراه باينة".