الأزمة وما دير: صبليوني بغا يدير لاباس فالمغرب دار قنصلية وهادوهاكيفاش طاح

علمت "كود" ان عناصر الشرطة القضائية بسلا أوقفت بداية الأسبوع الجاري، مواطنا إسباني الجنسية ومغربي كونا عصابة للنصب والاحتيال على الحالمين بالهجرة نحو الديار الإسبانية.
الإسباني الموقوف، وفق مصدر "كود"، استقر حديثا بحي السلام بسلا، ربط علاقة مع شخص من سلا، وبداو كينصبو على عباد الله. الوسيط روج مابين الشباب في سلا أن الإسباني عندو كونطرادات ديال السبليون.
عشرات الضحايا وقعوا في الفخ، وخلصو 6 دلميون على قبل كونطرات مزورين أصلا، ولكن جوج من الضحايا عاقوا بأن الفيزات مزورين، و شكاو بيه عن وكيل الملك.
الإسباني باش ما يحصلش كان كيقول للضحايا يصيفوطو ليه الفلوس عبر وكالة تحويل الأموال، لكن جوج من الضحايا عرفوا دارو وعلمو البوليس و اعتقالوه.
القضية، وفق مصدر "كود"، غتمشي بعيد، بعدما اعترف الإسباني بأنه زور تأشيرات إسبانية بمساعدة إسباني آخر بالسفارة الإسبانية بالرباط.