هاكيفاش قدر "فقيه" يعري عشرات النساء بمدن مختلفة بالمغرب.. وها باش كان يسحر ليهم وها كيفاش حصل

علمت "كود" أن مصالح الشرطة القضائية بتمارة اعتقلت نصابا واثنين من شركائه، كونوا عصابة للنصب والابتزاز ضحاياها من النساء.

الموقوف في ال25 في العمر، دار فيها فقيه ديال الرقية الشرعية، وبدا كينصب على النساء في المواقع الاجتماعية و واتساب، قاليهم أنه يقدر يفك ليهم العكس في الزواج للعازبات، وتطويع الزوج بالنسبة للمتزوجات.

عشرات الضحايا نم النساء من مدن مختلفة من بني ملال، الرباط وسلا، وتمارة والمحمدية والدار البيضاء وفاس وغيرها، كلهم وقعوا في فخ الفقيه المزور. كان كيشترط عليهم يتصور عريانين باش يسحر ليهم، وأغلبهن كان كيتصور بكل سهولة مادام غيتقضا ليهم الغرض وفق مصدر "كود".

بعد التوصل بالصورة، يشرع الفقيه بابتزاز الضحايا وتهديدهن بنشر صورهم أو إرسالها لأقاربهن، وبالطبع النساء كيخصلو خوفا من الفضيحة، إلا واحدة لي دارت شكاية وشدوه، ولقاو عندو عشرات الصور ديال الضحايا في أوضاع عارية.

النصاب مكانش كيخلي الأثر، وكان كيكلف شركاؤه بتسلم التحويلات البنكية بدلا عنه لي لا ينكشف.